قد يكون السبب الخفي وراء العديد من الأعراض اليومية التي تربك حياتك، دون أن تعرف مصدرها. إذا كنت تشعر بالدوخة، فقدان الذاكرة المفاجئ، إرهاق مستمر، أو حتى تشوش في الرؤية، فربما يكون فيتامين B12 في جسمك منخفضًا.
هذا الفيتامين ضروري لصحة الأعصاب، الدماغ، العضلات، والطاقة اليومية. وعند انخفاضه، يبدأ الجسم بإرسال إشارات تحذيرية واضحة.
✨ 7 علامات تدل على نقص B12:
1️⃣ الدوار والدوخة
تصبح واضحة عند الوقوف سريعًا أو صعود الدرج، بسبب نقص الأكسجين في الدماغ.
2️⃣ نسيان متكرر
نسيان الأسماء أو مكان الأشياء اليومية. كثيرون يظنون أنه بداية الزهايمر، بينما السبب قد يكون B12 منخفضًا.
3️⃣ ضعف العضلات
حتى الأشياء الخفيفة قد تصبح ثقيلة، نتيجة قلة الأكسجين الذي يصل للعضلات.
4️⃣ شحوب البشرة
وجه باهت وفقدان اللون الوردي الطبيعي بسبب انخفاض كريات الدم الحمراء وارتفاع البيليروبين.
5️⃣ الوخز والتنميل
وخز كالإبر أو شعور كصدمة كهربائية في اليدين أو القدمين، نتيجة تأثر الأعصاب.
6️⃣ التعب المستمر
تشعر بالإرهاق رغم النوم الكافي، لأن قلة كريات الدم الحمراء تحد من وصول الأكسجين للجسم.
7️⃣ مشاكل في الرؤية
تشوش أو غشاوة أو ضعف مفاجئ، قد يظهر عند انخفاض B12 لفترة طويلة لأنه يؤثر على أعصاب العين.
💡 نصيحة: لا تتجاهل هذه العلامات! فحص دم بسيط يمكن أن يحميك من مضاعفات عصبية ويعيد النشاط لجسمك.
الماء والملح عندك في بيتك صيدلية كاملة وانت لا تعرف
الملح قابض للأوعية الدموية فبالتالي أي مرض مصاحب لانبساط الأوعية الدموية او توسعها يكون الماء والملح شفاء ليش طيب :
١- الصداع الشديد في حالة الصداع الشديد اغسل جبهتك بالميه والملح واربط دماغك الدراسات بتقولك كمان تقلل من أكل الملح يعني نستخدمه كغسول نقلله كأكل .
٢- التهاب الحلق والزور واللوزتين وتضخمها :
في حالة اي مرض في الحلق أو الزور او اللوزتين الماء والملح فعالين جداً في تنظيف الفم نهائياً .
٣- قرح الفم :
يكون الموضوع مؤلم جداً عندما تضع عليها ملح بس الدراسات توصيك بذلك يحصلها إلتئام .
٤- نزلات البرد :
دراسة على ٣٣٨ مريض ان الغرغرة بماء الملح اثناء نزلة البرد لا تصبح معاك التهاب في الحلق .
٥- صحة الفم :
الحقيقة اكثر واحد يوصي دائماً بالوصفة اطباء الأسنان لأنها فعالة جداً فى منع مشاكل الفم و اللثة وتنظيف الفم نهائياً من الأوساخ و البكتريا وانا اتمنى اننا نتمضض بماء وملح وماء ورد بإنتظام للصحة العامة .
الطريقة :
٢ ملعقة صغيرة من ملح الطعام على ٤ أكواب ماء دافئ وتستخدم كغرغرة ٣ مرات يومياً .
الضغط المثالى أقل من ١٢٠/٨٠ وياسلااااام لو ١١٠/٧٠ .
_الضغط المنخفض⬇️ أقل من ٩٠/٦٠
الضغط المرتفع ⬆️أكتر من ١٣٠/٩٠
_الضغط المنخفض ⬇️ لو مش عامل أعراض "مش لازم" تعالجه وعيش حياتك .
الضغط المرتفع ⬆️لو مش عامل أعراض " لاااازم " تعالجه علشان تقدر تعيش حياتك !
_ الضغط المنخفض⬇️ طالما انك كويس _مش هبوط حاد بالدورة الدموية ومحجوز فى الرعاية أو يحدث سقوط وإغماء متكرر _ مش محتاج محاليل كل شوية ولا يسبب تلف بأنسجة الجسم ولا له مضاعفات جانبية خطيرة على المدى البعيد (ودة أهم حاجة) مافيش أعراض>>> مافيش مشكلة.
الضغط المرتفع⬆️ يسبب تلف بأنسجة الجسم زي العين والمخ والكلى والقلب وله مضاعفات جانبية خطيرة حتى لو بدون أعراض، خد بالك !
_الضغط المنخفض⬇️ أعراضه دوخة وتعب مع أقل مجهود وشعور بالإغماء خصوصا مع الوقوف مدة طويلة أو التعرض لحرارة الشمس وعدم القدرة على التركيز.
الضغط المرتفع⬆️( لو عمل أعراض) يبقى ستر ربنا علشان تعرف وتعالجه قبل مايعمل مشكلة ، أعراضه قد تكون صداع أو نزيف من الأنف أو ألم بالصدر أو لغبطة بضربات القلب أو وجع بالرأس وطنين بالأذن أو إجهاد شديد أخر اليوم.
_لو عندك ضغط منخفض ومش عامل أعراض خير وبركة
أما الضغط المرتفع⬆️ فيسمى "القاتل الصامت" لأنه لو مش عامل أعراض فأول مرة تكتشفه قد يكون _ بعد الشر عليك ياحبيب قلبى _ نزيف بالمخ أو جلطة بالقلب أو فشل كلوي !
_الضغط المنخفض ⬇️علاجه الأساسى شرب ماء وسوائل (٣ لتر يوميا) وأكل فيه ملح أكتر، وشرب فنجان أو اتنين قهوة يوميا ووراهم كوباية ماية كبيرة، وتغذية سليمة والإكثار من الفواكه والخضروات، ونوم كافى ، وتجنب الوقوف فترات طويلة، وممارسة الرياضة لتقوية عضلات الساقين، وأخر حاجة نلجأ لها العلاج الدوائى.
مع عمل تحليل صورة دم وظائف الغدة الدرقية ونسبة الكورتيزول والأملاح بالدم.
أما الضغط المرتفع⬆️ علاجه الأساسى "قرص الضغط" + غذاء قليل الملح والدهون وتجنب الضغط العصبي والتوتر وممارسة الرياضة والامتناع عن التدخين مع عمل تحليل وظائف كلى وكولسترول وصورة دم ورسم قلب وايكو.
_ ٩٠% من أسباب الضغط المرتفع⬆️ ورث عن بابا وماما (وراثية وجينات) وعلاجه انك ترجع بالزمن وتغير بابا وماما أو تضطر أسفاً تكشف وتاخد علاج 😊، يعنى ممكن تعمل كل حاجة توقف تدخين وتقلل وزن وتكون رياضى وبردو يجيلك ضغط، لان كفاية إنك مصرى وعايش معانا 🤭
_العلاج للضغط المنخفض ⬇️أختيارى لو انت كويس ماتخدوش، أما العلاج للضغط المرتفع إجبارى لازم تخده.
اللي يقولك علاج الضغط المرتفع⬆️ بالكركدية وماتخدش دواء علشان ماتتعودش عليه هو صاحب نظرية (نعالجك ليه طالما نقدر نموتك ؟!)
الكلام دة عن الضغط المزمن، أما الفرق بين الإرتفاع الشديد ١٨٠/١١٠ أو الإنخفاض الشديد ٨٠/٥٠ المفاجئ للضغط، أجرىىىىى على الطوارئ أنت لسة هتسئل ؟!!!
خلي بالك يا ماما ،أوعي تعاقبي إبنك بحرمانه من احتياج أساسي عنده.
في نوع من العقاب بيـ.ـدمر الطفل من غير ما تحسي، بيهدم شخصيته مش سلوكه.
كتير من الأمهات لما طفلها يغلط، بتعاقبه بحرمانه من حاجه هو بيحبها، وده مفيهوش مشكله وممكن يكون وسيلة تربوية أوقات، لكن الكارثة الكبيرة إن في أمهات بتعاقب طفلها بحرمانه من احتياج أساسي،مش من رغبة بسيطة.
الاحتياج الأساسي مش رفاهية نلعب فيها خالص ،ده زي النفس اللي بيتنفسه الطفل، زي المية والأكل اللي لو اتحرم منهم يمـ.ـوت.
إيه هو الاحتياج الاساسي للطفل؟
* احتياجه للحب ❤️
* احتياجه للتقبل 🤝
* احتياجه للأمان 🕊️
* احتياجه إنه يحس إنك جنبه حتى لو غلط 🫶
* احتياجه إنك تشوفيه على إنه لسه بيتعلم يعني لازم يغلط 👶
لكن للأسف، لما تعاقبيه بانك تحسسيه انك هتسحبي حبك منه، أو تخاصميه، أو تقوليله الجمل القاتـ.ـلة
أنا مش بحبك لما تعمل كده أو بعد اللي عملته ده مش هحضنك أو مش هحبك
فـ انتي كده بتعاقبيه بحرمانه من الأمان النفسي والتقبل ، اللي هم أساس شخصيته وحياته كلها ،وكأنك بالظبط بتعاقبيه بحرمانه من الأكل والشرب 💔
الطفل اللي بيتحرم من الحب لما يغلط، هيكبر دايمًا حاسس إنه مش كفاية، وهيفضل طول عمره بيحاول يرضي الناس عشان ياخد منهم اللي اتحرم منه زمان… (القبول).
والطفل اللي بيتحرم من التقبل، هيتعلم يخبي غلطه بدل ما يتعلم يصلحه.
هيتعلم يمثل علشان ما يتهاجمش، وهيفقد الثقة في نفسه، لإنه كل مرة كان محتاج حضنك، لقى بعدك.
والطفل اللي بيتحرم من الأمان، بيعيش في خوف مستمر طول حياته.
خايف يغلط، خايف يترفض، خايف يتساب.
وده الخوف اللي بيكمل معاه طول عمره حتى لما يكبر ويبقى راجل أو ست.
مش معنى كده إنك ما تعاقبيهوش ومتعلمهوش الصح من الغلط، بس العقاب اللي بيخليه يتعلم لازم يكون فيه حب مش وجع.
فيه احتواء مش إهانـ.ـة.
فيه حدود مش تـ.ـهديد.
لو غلط، احضنيه الأول، وبعد كده اتكلمي معاه.
خليه يحس إنك زعلانة من السلوك، مش منه هو كشخص.
خليه يعرف إن حبك مش بيتوقف على تصرفاته.
إنك بتحبيه في كل الحالات حتى وهو غلطان.
لأن الطفل اللي بيغلط وهو حاسس بالأمان، بيتعلم من غلطه، لكن الطفل اللي بيغلط وهو خايف، بيتـ.كسر ومش بيبطل يعمل الغلط.
خديها قاعدة:
العقاب اللي بيحرِم الطفل من حبك، بيحرمه من الأمان والطفل اللي اتحرم من الأمان وهو صغير، عمره ما هيبقى مطمئن في حياته كلها.
احتويه، افهميه، وجهيه، لكن أوعي تعاقبيه بحرمانه من احتياجه الأساسي.
جرب مرة واحدة بس تقوله "لأ" على طلب، أو تحط حد بسيط لكرامتك. الشخص الطبيعي ممكن يزعل، لكن النرجسي؟ هتشوف "انفجار نووي".
👈 علمياً: كلمة "لأ" بتعمله "جرح نرجسي" عميق. هو مش شايفك بني آدم مستقل، هو شايفك "دراع" ليه، وإزاي الدراع يعصى أوامر المخ؟ هيقلب الدنيا عشان يحسسك بالذنب إنك طالبت بأبسط حقوقك.
🔴 2️⃣ لعبة "قلب الكراسي؟" (Gaslighting)
امسكه متلبس بغلطة، ومعاك الدليل (سكرين شوت، شهود.. إلخ). مستحيل يعترف! هتلاقيه ببراعة بيقلب الترابيزة عليك، ويشككك في ذاكرتك وفي عقلك، ويدخلك في متاهة كلام لحد ما إنت اللي تطلع غلطان وتعتذر له في الآخر!
👈 علمياً: ده اسمه "تلاعب بالعقول" وإسقاط. هو عنده "أنا" هشة جداً متستحملش تواجه عيوبها، فلازم يرمي القذارة عليك إنت عشان صورته تفضل بتلمع في خياله المريض.
🔴 3️⃣ كاره نجاحك وفرحتك (Pathological Envy)
اترقيت في شغلك؟
شكلك احلو؟ حققت إنجاز؟ بدل ما يقولك "مبروك يا حبيبي"، هتلاقي نظرة استخفاف ويقولك جملة تكسر مقاديفك زي: "عادي يعني، ما فلان عملها قبلك" أو يغير الموضوع فجأة لحتة تخصه هو.
👈 علمياً: النرجسي عنده "حسد مرضي". نجاحك بيوجعه وبيفكره بنقصه الداخلي، فلازم يعملك "تقليل قيمة" (Devaluation) فوراً عشان يرجع يحس إنه هو اللي فوق وإنت اللي تحت.
🔴 4️⃣ تلاجة المشاعر وقت ألمك (Lack of Empathy)
إنت عيان بجد، تعبان، محتاج دعم نفسي أو جسدي. هتلاقيه إما بيتجاهلك تماماً كأنك شفاف، أو الأسوأ.. يقولك "أنا تعبان أكتر منك" ويسرق منك دور الضحية.
👈 علمياً: دي العلامة الأهم؛ افتقار التعاطف. هو معندوش السيستم العصبي اللي يخليه يحس بوجع غيره. إنت بالنسبة له "أداة" بتخدمه، ولما الأداة بتعطل، بتترمي.. مبتتعالجش.
🔴 5️⃣ لما تقفل الحنفية (Supply Withdrawal)
جرب تبطل تمدحه، تبطل تجري وراه، أو تعامه ببرود (زي الصخرة الرمادية). هنا هتشوف جنون حقيقي! فجأة ممكن يرجع لطيف جداً عشان يرجعك للشبكة، ولو ده منفعش، هيختلق خناقة من العدم.
👈 علمياً: هو عايش على "الوقود النرجسي" (اهتمامك، سواء حب أو خناق). لما بتسحب اهتمامك، هو بيحس بالفراغ والموت النفسي، ولازم يشفط طاقتك بأي طريقة عشان يحس إنه موجود.
يا صديقي، لو العلامات دي بتتكرر في حياتك، أرجوك وقف جلد في ذاتك. إنت مش مجنون، إنت مش نكدي، إنت ضحية شخصية مضطربة بتستنزف روحك.
العلم بيقولك "الوعي هو أول خطوة للنجاة". اعرف عدوك عشان تعرف تحمي نفسك منه.
👇 في التعليقات: قولنا إيه أكتر رد فعل من الخمسة دول شفته بعينك وعانيت منه؟ خلينا نفضح ألاعيبهم وننشر الوعي!
