لو عايز تحمى ابنك من الاستغلال الجنسي

حماية اطفالنا من الاستغلال الجنسى ب خمس خمسات

١ - ممنوع يغير لبسه قدام اى حد

٢- ممنوع حد يحضنه غصب عنه

٣- ممنوع حد يبوسه غصب عنه

٤- ممنوع لمسه فى مناطق معينه من جسمه

٥- ممنوع يلمس حد فى مناطق معينه

١ - مسموح يتكلم معاك فى اى حاجة

٢ - مسموح يضرب ويصوت اى حد لمسه لمسة مش كويسة

٣- مسموح يعيط ويشتكى اد ايه اتألم

٤- مسموح يهرب من الشخص اللى بيأذيه

٥- مسموح يرفض يروح مكان او يسلم على شخص هو مش مرتاحله

١- لازم يعرف ان عنده اجزاء خاصة محدش يقرب منها

٢- لازم يتعلم يختار حاجته مش بنجبره على اختياراتنا

٣- لازم يلعب رياضة

٤- لازم يثق فى احساسه باللمسة لو حس انها وحشة تبقى وحشة

٥- لازم يثق ويتاكد انك هتصدقه لو حكالك حاجة عن اى حد مهما كان

١- حصل استغلال جنسى يبقى هتصدق طفلك مهما كان الموضوع منافى لقناعتك عن شخص ما

٢- حصل استغلال جنسى هتتفاعل وتحتوى طفلك بحب وتحسسه بالأمان

٣- حصل استغلال جنسى يبقى لازم معالج نفسى فورا

٤- حصل استغلال جنسى يبقى لازم تعرف ان سكة الشفاء طويلة وهتمشوها سوا

٥- حصل استغلال جنسى لازم تحرص على ان اثره ميدمرش مستقبل طفلك

١- صدمة الطفل فى اللى حصله مش سهلة وهو اكتر المتضررين فلازم نعرف كويس نخفف عنه

٢- صدمة الطفل من الفعل اللى هو مش فاهمه ممكن تخليه ياخد وقت على اما يتكلم فلازم نكون حريصين

٣- صدمة الاهل فى الشخص اللى عمل كده مش محتاجة تطول عشان يعرفوا يتحركوا بطفلهم للعلاج

٤- صدمة الاهل اللى طفلهم اتعرض للاستغلال الجنسى ممكن توقعهم فى فخ عدم التصديق وده بيزود الاثار اللى هتحصل للطفل

٥- صدمة المجتمع مش لازم تعاموا الاستغلال الجنسى انه وصمة ونستخدمه للمعايرة

الصفحات